Arthuriana

As always, a complete set of site navigation options is available at the bottom of this page.



Arthurian Audio Files


Gottfried von Strassburg
from Tristan

Read by Don Sunnen, Virginia Military Institute
Gottfried von Strassburg: Tristan
edited by Albert K. Wimmer
Anthology of Medieval German Literature, 3rd revised ed. 1998
ll. 45-100

Gottfried von Strasburg wrote around 1210 in Middle High German. His Tristan , though incomplete, is considered the greatest version of the Tristan story and is a supreme model of refined courtly style.


Ich hân mir eine unmüezekeit
der werlt ze liebe vür geleit
und edelen herzen z'einer hage,
den herzen, den ich herze trage,
der werlde, in die mîn herze siht.
ine meine ir aller werlde niht
als die, von der ich hoere sagen,
diu keine swære enmüge getragen
und niwan in vröuden welle swegen.
die lâze ouch got mit vröuden leben!
Der werlde und diseme lebene
enkumt mîn rede niht ebene.
ir leben und mînez zweient sich.
ein ander werlt die meine ich,
diu samet in eime herzen treit
ir süeze sûr, ir liebez leit,
ir herzeliep, ir senede nôt,
ir liebez leben, ir leiden tôt,
ir lieben tôt, ir leidez leben.
dem lebene sî mîn leben ergeben,
der werlt wil ich gewerldet wesen,
mit ir verderben oder genesen.
ich bin mit ir biz her beliben
und hân mit ir die tage vertriben,
die mir ûf nâhe gêndem leben
lêre unde geleite solten geben:
der hân ich mîne unmüezekeit
ze kurzewîle vür geleit,
daz sî mit mînem mære
ir nâhe gênde swære
ze halber senfte bringe,
ir nôt dâ mite geringe.
wan swer des iht vor ougen hât,
dâ mite der muot z'unmuoze gât,
daz entsorget sorgehaften muot,
daz ist ze herzesorgen guot.
ir aller volge diu ist dar an:
swâ sô der müezege man
mit senedem schaden sî überladen,
dâ mêre muoze seneden schaden.
bî senedem leide müezekeit,
dâ wahset iemer senede leit.
durch daz ist guot, swer herzeclage
und senede nôt ze herzen trage,
daz er mit allem ruoche
dem lîbe unmuoze suoche.
dâ mite sô müezeget der muot
und ist dem muote ein michel guot;
und gerâte ich niemer doch dar an,
daz iemer liebe gernde man
dekeine solhe unmuoze im neme,
diu reiner liebe missezeme:
ein senelîchez mære
daz trîbe ein senedære
mit herzen und mit munde
und senfte sô die stunde.

Site Navigation Options

Pre-School & Kindergarten  ||  Elementary School  ||  Middle School  ||  High School

Undergraduate School  ||  Graduate School  ||  Adult Learners  ||  Short Seminars & Lectures

Textbooks and Films  ||  Maps  ||  Graphics  ||  Audio and Video Files  ||  Related Websites

Arthurnet Discussions  ||  Pedagogy Homepage  ||  Arthuriana


© Arthuriana
Site Administrator: Alan Baragona sabaragona@gmail.com
Last revised: August 5, 2014
This page is http://www.arthuriana.org/teaching/Gottfried_Sunnen.html
SMU Required Secondary Information Server Disclaimer:
The contents of this Secondary Information Server are the sole responsibility of Arthuriana and its contributors, and do not necessarily represent the opinions or policies of Southern Methodist University or the Norwick Center for Media and Instructional Technology. The administrator of this Secondary Information Service is Bonnie Wheeler bwheeler@mail.smu.edu